BR LA UNION – Natiliw iti maysa a mangngalap gaputi illegal fishing iti kabaybayan idiay Brgy. Namonitan, Santo Tomas, La Union.
Resulta datoy iti insayangkat a joint seaborne patrol operation iti Sto Tomas Police Station ken Damortis Maritime Law Enforcement Team, idi bigat ti Lunes, Hunyo 16, 2025.
Maibasar iti report, ti natiliw ket managan Ramil Villanueva, agtawen ti 40, baro, mangngalap ken residente ti Brgy. Cupang Santo Tomas, La Union.
Nakumpiskar iti ikot na, iti maysa a fine fish net wenno buli-buli nga aggatad ti 10,000 pesos ken nasurok kumurang a 3 kilo ti naduma-duma a lames nga aggatad ti 300 pesos.
Karaman pay a na-impound ti naglugan na a motorized banca, nga addaan marka a “3 KINGS” ken agmaris ti asul.
Iti nasao a mangngalap ket na-isyuan ti citation ticket wenno multa gaputi panaglabsing iti Municipal Fishery Ordinance No.2 Series of 2003, Chapter XV, Section 72 wenno Fishing Operator Employing Unlicensed Fisherfolk or Fish Worker.
Kabayatanna dagiti nakumpiskar nga ebidensiya ket naipasidong iti kustodiya ti Damortis Maritime Law Enforcement Team para ti naan-anay a disposisyon.
