BR LA UNION – Napaay iti gandat ti maysa nga US lawmaker a panang-impeach kenni US President Donald Trump gapu iti inaramid a panang-bomba ti Iran.
Daytoy ket babaen ti botos a 344 lawmakers a pimmabor tapno ibasura ti resolusyon nga indatag ni Democratic Congressman Al Green ti Texas bayat a 79 dagiti nagbotos tapno ipursige ti resolusyon.
Kaipapanan daytoy a saanen a kasapolan a talantanen ti House iti proposal ni Green.
Iti panagbetla na idiay US House of Representatives, inawagan ni Green nga illegal ken unconstitional iti inaramid ni Trump.
Kasapolan kunana nga aprubaran nga umuna ti kongreso ti anyaman nga addang ti US, kas iti inaramid a panagbomba.
Manipud iti nasao a bilang dagiti pimmabor nga ibasura ti resolusyon, 128 ket Democrats a kaalyado ni Trump.
Maipalagip nga iti immuna a termino ni Trump ket namindua a daras a ginandatda nga i-impeach ngem na-acquit idiay senado.
