BR LA UNION – Kinondenar ti dua a lider ti Kamara ni Vice President Sara Duterte gapu iti panagusar na iti sarita a “bobo” kas sungbat kadagiti salodsod seknan iti masansan a panag-biyahe na iti sabali a pagilian.
Segun kada House Assistant Majority Leader ken Manila 1st District Rep. Ernesto “Ernix” Dionisio Jr., ken Lanao del Sur 1st District Rep. Zia Alonto saana maiparbeng iti maysa a lider ti pagilian iti nasao a panagsar-sarita ken dad-dadaelenna iti standard ti panagbalin a maysa nga opisyal ti gobyerno.
Impaganetget ni Dionisio a namnamaen nga agserbi a pagwadan dagiti opisyal ti gobyerno, nangruna kadagiti agtutubo.
Impaganetget na ni President Ferdinand “Bongbong” R. Marcos Jr. kas ehemplo ti maysa a lider nga agtultuloy a mangipakpakita a kalmado iti laksid dagiti pammabalaw.
Imbaga met ni Adiong a makapadanag iti kababalin ken prayoridad ti Bise Presidente, nangruna iti masansan a panagbiyahe na iti ruar ti pagilian.
Nupay saanen a naklaat iti imbaga ni Duterte, inpaganetget ni Adiong a rumbeng a mas nangatngato ti pamak-taasan iti diskurso dagiti opisyal ti gobyerno.
Inlawlawag na a dagiti sarita ti bise presidente ket saan laeng a repleksyon ti kinatao ngem uray pay iti ibagbagi na nga opisina.
