Mangparpartwat iti maysa a kompanya idiay Japan iti maysa a teknolohiya a kabaelan na a mangpatumpaw ti sibubukel a balay no aggingined.
Maipalagip nga iti Japan ket adda iti pacific ring of fire –maisa a rehiyon iti aglawlaw ti Pacific Ocean nga aktibo kadagiti gingined ken panagbettak ti bulkan kasta met dagiti uppat a tectonic plates a nakapalikmot iti pagilian (Pacific Plate, Philippine Sea Plate, Eurasian Plate, ken North American Plate).
Iti proyekto ket indaulwan ti imbentor a ni Shoichi Sakamoto, a nakabukel ti naidumduma a seismic isolation system nga adda kabaelan na nga ipangato ken ipatapaw iti sibubukel a balay no ag-agingined.
Dagos a mangiruar ti compressed air iti baba a paset ti pagtaengan no makarikna ti panagdayyeg nga isu iti mangidurduron tapno ngumato ti agingana tallo a sentimetro.
Iti uneg laeng ti kagudwa a segundo ket tumtumpawen iti balay iti ere ken nainayad nga agsubli iti daga no nagsardengen iti panagdayyeg.
Adda met ti palagip dagiti eksperto a mabalin nga agbalin a karit dagiti napipigsa a gingined ken dagiti multi-directional earthquakes iti limitasyon ti nasao nga imbensyon, ngem agtaltalinaed a positibo iti pammati ti imbentor.
Kabayatanna, agdama a maidurduron iti crowdfunding tapno maitandudo iti floating house system saan laeng nga idiay Japan, no di ket kadagiti dadduma pay a paset ti lubong.#
