BR LA UNION – Sumangsango iti kanayunan a kaso ti maysa a naarestar a wanted person kalpasan a nakumpiskaran manen ti iligal droga idiay Agoo, La Union.
Maibasar iti report, inarestar dagiti otoridad iti suspek a nailinged iti nagan a Chris, agtawen ti 38, baro, awanan trabaho, ken residente idiay Barangay San Julian East, Agoo La Union.
Natiliw daytoy babaen iti nagtipon a puwersa dagiti otoridad nga indaulwan ti Agoo Police Station, maiyannurot iti warrant of arrest nga inyetnag ni Hon. Gerlyn S. Turingan Delos Reyes, Presiding Judge, Regional Trial Court Branch 305, Quezon City a napetsaan ti Pebrero 28, 2025 gapu ti kaso a panaglabsing ti Republic Act 9165, wenno Comprehensive Dangerous Drug Act of 2002.
Kabayatanna, iti panangkapkap dagiti otoridad iti bagi ti suspek, kas paset iti pannakaipatungpal ti Standard Operating Procedure (SOP), nadiskubre iti ikot na iti maipagarop nga uppat a pidaso ti heat-sealed transparent plastic sachet a naglaun ti maipagarop a white crystaline substance a mapapati a shabu.
Nakumpiskar pay dagiti non-drug evidence a kas iti:
- maysa a pidaso ti tissue papper a nakabalkot ti masking tape
- maysa a kartib
- maysa a pagkilwan nga agmaris ti puraw ken nalabbaga
- dua a a foil strip
- maysa a ligther nga agmaris ti berde
Naaramid iti markings ken inventory ti imatang iti suspek, media ken brgy. officials.
Kalpasan iti pannakatiliw ti suspek naiturong idiay La Union Medical Center, Agoo La Union para ti medical examination kalpasanna, naipasidong iti Agoo Police Station para iti naan-anay a disposisyon.
Gaputi insidente, kanayunan a kaso nga adda pakainaiganna iti panaglabsing ti RA 9165 iti maipila kontra iti suspek.
