BR LA UNION – Arestado iti maysa a wanted person idiay Barangay Poblacion, San Gabriel, La Union idi Hulyo 14, 2025 agarop 10:20 ti bigat.
Natiliw daytoy babaen ti nagtipon a puwersa dagiti otoridad nga indaulwan ti San Gabriel Police Station, maiyannurot iti warrant of arrest nga inyetnag ni Hon. Rhea Sernadilla Galvero, Presiding Judge iti Regional Trial Court, Branch 10, San Fernando City La Union gapu ti kaso a 2 counts of Qualified Rape.
Iti suspek ket maysa a 39-anyos, addaan asawa, construction worker, ken residente ti Barangay Casilagan, San Juan, La Union.
Awan iti nailatang a bail bond wennu piyansa para ti temporaryo a pannaka wayawaya na.
Nairecord ti operasyon babaen ti alternative recording devices.
Kalpasan iti pannakatiliw ti suspek, naiturong idiay Bacnotan District Hospital para ti medical examination, kalpasanna, naiturong met laeng daytoy idiay San Gabriel Police Station para ti naan anay a dokumentasyon ken disposisyon.
