Inlawlawag ti Korte Suprema a mabalin pay a mangipila ti mosyon iti Kamara tapno maiparekonsiderar iti inruar daytoy a resolusyon.
Daytoy iti mismo nga inwaragawag ni Supreme Court Spokesperson Atty. Camille Sue Mae Ting, kasaruno ti deklarasyon nga unconstitutional iti articles of impeachment kontra kenni Bise Presidente Sara Duterte.
Segun iti tagapagsarita ti Korte Suprema, addaan ti gundaway iti House of Representative nga agsubmitir iti motion for reconsideration uray pay immediately executory iti nasao a desisyon.
Maipalagip nga inanunsyo ni Spokesperson Atty. Camille Ting iti panangideklara ti Supreme Court nga unconstitutional iti sangsangwen nga impeachment complaint ti Bise Presidente gapo kadagiti nakita da a rason kas iti panaglabsing iti 1 year rule ken right to due process.
Daytoy a deklarasyon ket resulta ti panagbotos kas pabor dagiti 13 a mahistrado, awan ti kimontra, ken dua iti nag-inhibit.
Inlawlawag pay ti tagapagsarita iti nagbalin a posisyon ti Korte Suprema kangrunaan iti panaglabsing ti 1 year ban rule partikular iti panangipila ti impeachment complaint kontra iti maysa nga opisyal ti gobyerno gapo iti madagdagos a panangipasa iti reklamo a saan a dimalan iti maaw-awagan a due process. #
