Dumanon iti 375 a Pilipino dagiti nagbalin a biktima ti human trafficking iti naisubli ditoy pagilian manipud Enero 1 agingana Hunyo 30, segun iti Inter-Agency Council Against Trafficking (IACAT).
Segun kenni Inter-Agency Council Against Trafficking (IACAT) Executive Director Hannah Lizette Manalili ti Department of Justice (DOJ), kaadwan kadagiti na-repatriate ket nabiktima ti forced labor kadagiti scam hubs idiay Myanmar, Cambodia, Lebanon, ken Malaysia.
Impaganetget ni Manalili, agtultuloy a ngumatngato iti bilang dagiti Pilipino a biktima ti human trafficking.
Idi tawen 2024, dumanon iti 387 dagiti na-repatriate — nangatngato maiyarig iti 335 idi 2023.
Kaadwan kadagiti biktima ket manipud kadagiti pamilya a nababa iti pamastrekan na ken nalaka a mamatmati kadagiti illegal recruiters.#
