Posible a mangipila manen iti Kamara ti kabaroan nga Impeachment Complaint kontra kenni Bise Presidente Sara Duterte inton Pebrero 2026 kalpasan ti 1-year bar rule.
Daytoy iti panangmatmat ni House Committee on Public Accounts Chairman Terry Ridon no takderan ti Korte Suprema iti umuna a ruling a nangideklara kas ‘unconstitutional’ iti Articles of Impeachment.
Sigurado kunana nga interesado latta dagiti kongresista nga agrefile ti Impeachment iti anya man a wagas, numan pay dumalan daytoy iti Committee on Justice wenno automatic transmittal manipud iti Plenaryo
Kabayatanna, nakasagana isuna a suportaran wenno i-endorso iti impeachment complaint no kaspangarigan maipila, kangrunaan ta awan ti baro kadagiti ebidensya ken no agtalinaed iti takder ti Kamara.
Mangnamnama met ni Ridon a no paboran ti Supreme Court iti motion for reconsideration ti Kamara ket sumurot iti Senado agsipudta isudan a mismo iti mangipagpaganetget a rumbeng a raemen iti high tribunal.
Innayon na pay, nasaysayaat nga i-archieve laengen iti Articles of Impeachment uray ado dagiti mangipukpukkaw ti hustisya kangrunaan ta saan pay a naan-anay a pinatay, no di ket naipaigid laeng ken mabalin pay a maisubli no binaliktad ti Korte iti ruling.#
