Nangisayangkat ti inspeksion ita nga aldaw iti Department of Trade and Industry kadagiti sumagmamano a merkado idiay siyudad ti Manila seknan iti presyo dagiti kangrunaan a magagatang.
Personal a rinikos ni DTI Secretary Maria Cristina Roque kadua da Department of Agriculture Assistant Secretary Genevieve Guevarra ken Manila City Admin. Atty. Wardee Quintos XIV.
Segun iti agdama a sekretaryo ti DTI, maibasar iti panagrikurida-da ket umiso iti price range ti ahensia iti presio dagiti magatgatang a lames ken karne, ngem adda ti panangngato ti presyo dagiti sumagmamano a nateng.
Numanpay adda ti nadlawan a panagngato ti presyo, normal laeng daytoy kasaruno dagiti napigsa a panagtudo wenno bagyo iti kallabes.
Nakita met iti nababbaba a presyo kadagiti kangrunaan a magagatang kadagiti sumagmamano a supermarket idiay Quiapo, Manila, maiyarig kadagiti immunan a nairuar a suggested retail prices ti DTI.
