Kinumpirma ti Department of the Interior and Local Government nga iti plano ni Police General Nicolas Torre III a mangisayangkat ti reshuffle iti benneg ti Philippine National Police iti maysa kadagiti rason ti panaka-relieve na iti puesto.
Segun kenni Remulla, binilin ti National Police Commission ni Torre nga ibabawi iti reassignment dagiti sumagmamano a nangangato nga opisyal, pakairamanan ni Police Lt. Gen. Jose Melencio Nartatez Jr., iti maikadua a kangatuan nga opisyal ti PNP nga inyalis ni Torre idiay Mindanao.
Iti opisyal a waragawag ti Napolcom, saan daytoy a dimmalan iti en banc approval ti komisyon a sagudayen ti Republic Act 6975 wenno DILG Act.
Inladawan ni Remulla iti desisyon a sukatan ni Torre ket narigat ngem kasapulan para iti “national interest” ti pagilian. Addaan met isuna ti opsiyon no agretiro wenno agtalinaed iti serbisyo.
Kenuna met ni Senador Panfilo Lacson, naikkat ni Torre gaputi panaglablabes kalpasan nga inikkat na iti second in-command a ni Nartatez Jr. a kadawyan nga addaan ti clearance manipud iti Presidente wenno iti sekretaryo ti DILG.#
