Inlawlawag ni Palace Press Officer Undersecretary Claire Castro nga agserbi kas adviser ken saan a miembro ni Baguio City Mayor Benjamin Magalong ti Independent Commission for Infrastructure (ICI), agsipudta imbaga ni Presidente Ferdinand Marcos Junior nga awan ti pulitiko nga agbalin a paset iti nabukel nga Independent Commission.
Segun kenni Castro, iti skills ken expertise ni Mayor Magalong a sigud nga PNP CIDG director iti maysa kadagiti naikonsiderar tapno maala isuna kas special adviser.
Dakkel iti maitulong ni Magalong gapo kadagiti ammo na ken kadagiti maala na nga impormasyon–a mabalin na nga ibinglay iti Komisyon.
Malaksid kenni Mayor Magalong, pinili ni Presidente Marcos isuda sigud a DPWH Sec. Rogelio Singson ken SVG Country Managing Partner Rossana Fajardo gaputi rason a saan da nga agpulpulitika.
Kabayatanna, saan met a nalawag iti sungbat ti Palasyo idi nadamag isuda no apay ta saan a law enforcement officers iti innala da tapno mangisayangkat ti imbestigasyon.###
