Impasiguro ti Quezon City Police District iti kinasagana ti hanay da apaman nga agtungpal ti kinaranggas dagiti nalawa a tignay-protesta a maisaysayangkat kadagiti nagduduma a paset ti EDSA.
Daitoy ket ti panagamak ti gobierno a maipada ti Pilipinas ti napasamak idiay Nepal ken Indonesia a naaddan kadagiti serye ti protesta, nangruna ta nagpada a dagiti demonstrayon ket nakapamaysa ti korapsyon.
Segun kenni QCPD Spokesperson Febie Madrid, nakasagana ti kapulisan iti panagtaming kadagiti nararanggas a protesta ken demonstrasyon tapno saan nga agtungpal ti pisikalan wenno sakitan ti nagbaetan ti ralyista ken dagiti pulis. Agtaltalinaed met ti panagraem ken apela da kadagiti ralyista nga aramiden a nakapia ken maiyannurot ti linteg iti aktibidad.
Maipalagip a saan laeng nga idiay EDSA iti pakaisayangkatan ti nasao a demonstrasyon nu ketdi, aggigiddan daitoy a maangay ti intero a pagilian gapo paylaeng ti korapsyon ken anomalya dagiti public infrastructure projects.
