Pinasingkedan ni House Deputy Speaker Ronaldo Puno a simrek ni Cavite Representative Kiko Barzaga iti opisina ni House Majority Leader Sandro Marcos ken kiniddaw a suportaran isuna tapno agbalin nga house speaker.
Maibasar iti istorya ni Puno, simrek ni Rep. Barzaga iti opisina ni Majority leader ken insirra iti ridaw, imbaon na iti amin nga agtugaw ken dinggen iti plano na a kayat na iti agbalin nga house speaker. Inasekgan na pay dagiti sumagmamano a manmanday-linteg ken binagaan isuda nga agbalin a deputy speaker.
Naklaat iti amin gapo iti inaramid ni Barzaga iti opisina ti Majority leader.
Diningeg laeng ni Marcos iti manmanday-linteg ken saan na a pinaruar iti opisina.
Nadillaw pay ni Puno nga arigna “unwell” ni Barzaga gapo kadagiti nagbalin nga aksiyon daytoy a saan a maiyannatup para iti maysa nga opisyal ti gobierno, kasta metten iti panakasaritana kadagiti manmanday-linteg iti uneg ti plenaryo ken agkamkampanya.
Kabayatanna, nupay nadagsen para kadakuada a mangipila ti ethics complaint ket aramiden da daytoy gaputa maiturturong iti alanganin iti kredibilidad ken integridad ti Kamara.
Dinakamat na nga asideg iti NUP dagiti nagannak ni Rep. Barzaga nga isuda sigud a Kongresista Pidi Barzaga ken Dasmarinas Mayor Jenny Barzaga.
