BR LA UNION – Namnamaen nga agsukat ti liderato iti Kamara de Representantes, maibasar iti impormasyon nga agwar-waras iti uneg ti Kongreso.
Napigsa dagiti damag a ni Deputy Speaker Faustino “Bojie” Dy manipud iti maika-innem a distrito ti Isabela iti posible a sumaruno nga House Speaker, kasukat ni Speaker Ferdinand Martin Romualdez.
Sakbay daytoy, rimwar ti nagan ti sumagmamano a mammanday linteg kas potensyal a kandidato iti posisyon:
Ronaldo Puno – First District of Antipolo
Vincent Franco “Duke” Frasco – 5th District of Cebu
Toby Tiangco – Navotas
Alfredo “Albee” Benitez – Bacolod
Nupay adda dagiti waragawag a mangibagbaga a tsismis laeng dagiti nasao a damag, arigna agbal-balin a konkreto nga addang iti panagsukat ti liderato idiay Kamara iti panaglukat ti sesyon inton bigat.
