Nagpanawag ni sigud a gobernador Luis “Chavit” Singson iti publiko a saanen a makisayangkat dagiti rally agsipudta posible a mangparnuay ti riribuk, ken ipaima laengen kadagiti agtutubo iti laban para iti panagbalbaliw ti gobierno.
Impaganetget ni Singsong nga adda dagiti agtutubo nga addaan ti pigsa ken tured tapno mangidaulo iti rebolusyon kontra ti panagkusit.
Rumbeng kunana nga agsardeng pay laeng nga agadal dagiti adda ti high school ken kolehiyo agingana saan pay a naik-ikkar dagiti korap nga opisyal ti gobierno.
Innayon na pay a napateg iti agdama iti aktibo a panakipaset dagiti agtutubo kadagiti isyu ti pagilian maiyarig iti panagtalinaed da iti uneg ti silid-pagadalan.
Daytoy a waragawag ni Singson ket nakaawat ti nagduduma a reaksion manipud kadagiti sektor ti edukasyon, agtutubo, ken civil society.
Sumagmamano met a mannursuro ken estudyante iti nangipeksa ti panagdanag ken kenuna a saan a rumbeng nga isakripisyo iti edukasyon iti kangitingitan ti panawagan para iti reporma.
Iti laksid ti kontrobersyal a singasing, impaganetget ni Singsong nga iti panggep na ket riingen dagiti agtutubo tapno agbalin nga aktibo iti panangisakit ti demokrasya ken panangkontra iti kinakusit.###
