Ibilang ni Makati City Mayor Nancy Binay nga iti akusasion kontra kenkuana a nakaawat daytoy ti kuarta manipud ti flood control projects ket maysa a wagas tapno i-divert iti pudno nga adda ti likudan ti nalawa nga anomalya.
Maibasar iti imbutaktak ni sigud a Department of Public Works and Highways (DPWH) undersecretary Roberto Bernardo, karaman ni Binay kadagiti maipagarop a nakaawat ti kickbacks.
Malaksid kenkuana ket nadakamat pay iti nagan ni Senator Chiz Escudero, Ako Bicol partylist Representative Zaldy Co, ken sigud a Senador Bong Revilla.
Segun ti alkalde, naklaat ken malidayan isuna gapo iti panakairaman na iti anomalya ti DPWH kasta met iti panangaramat kenkuana tapno ma-divert iti pudno a nagbasol ken rumbeng ang agsungbat.
Impaganetget na a siuulimek daytoy nga agtrabtrabaho kas mayor ti Makati.
Impanakkel na pay nga iti panangipaay na ti serbisyo-publiko ket saan a magatadan ken awan ti laok na a panagdudua.###
