BR LA UNION – Umaboten ti 379 iti nailista nga aftershocks kalpasan ti 6.9 magnitude a gingined idiay Cebu.
Maibasar iti datus ti Phivolcs, aganay 100 a panagdayyeg iti plotted wenno na-detect ti dua wenno nasursurok pay a pasilidad.
Dagiti aftershocks ket agpigsa manipud 1.4 aginggang 5.1 magnitude.
Namnamaen nga agtultuloy ti pannakarikna iti panagdayyeg agingga iti sumagmamano nga aldaw.
Naamwan a narabaw iti nagtaudan ti gingined, isunga narikna iti adu a lugar.
Inlawlawag ti Phivolcs a tectonic earthquake ti napasamak ken awan pakainaigan na iti anyaman a bulkan nga asideg iti lugar.
