BR LA UNION – Naiyemplementar ti dagdag-bawas iti presyo dagiti produkto a petrolyo ita nga aldaw, Oktubre 14, 2025.
Naipangato iti P0.30 kada litro ti gasolina idinto a nagkissay ti P0.20 kada litro iti kerosene.
Awan met ti nagbaliwan iti presyo ti diesel.
Immunan nga imbaga ti Oil Industry Management Bureau ti Department of Energy a ti dagdag-bawas ita iti presyo dagiti produkto a petrolyo ket naimpluwensyaan iti ngimmato a crude inventories ti Amerika laksid ti US Government Shutdown ken Oversupply kasaruno ti Ceasefire iti baetan ti Israel ken Hamas.
Kabayatanna, namnamaen iti panagbaba ti presyo dagiti produkto a petrolyo inton bulan ti Nobyembre gaputi anunsiyo ti Organization of the Petroleum Exporting Countries and its allies (OPEC+) nga agnayon da ti oil production iti agingga 137,000 bariles kada aldaw.
