BR LA UNION – Target ti Department of Education (DepEd)-Caraga ken gobyerno probinsiyal ti Agusan del Sur a maipaay ti maysa a napintas a kapadasan iti intero a pagilian iti panag-host da ti maika-66 nga edisyon ti Palarong Pambansa a maisayangkat inton 2026.
Segun kenni DepEd-Caraga spokesperson Pedro Tecson, naangay ti umuna a miting ti executive committee iti Provincial Learning Center idiay Barangay Patin-ay, ili ti Prosperidad, kas opisyal a panagrugi ti panagsagana para iti maika-66 nga edisyon ti nadakamat a paay-ayam.
Innayon ti opisyal, nga idi naangay ti nasao nga sports event idiay Vigan City, Ilocos Sur idi napan a tawen, inobserbaran da a kaduada dagiti opisyal ti Agusan del Sur tapno aramiden a mangiwanwan ken mangpasayaat pay iti panagsangailida inton sumaruno a tawen.
Segun pay kenni Tecson, agtultuloy ti isay-sayangkat a panagtataripnong da Governor Santiago Cane Jr. ken DepEd Regional Director Maria Ines Asunción, agraman ti dadduma pay nga opisyal, tapno masurot iti naituding a timeline para iti naballaygi a Palarong Pambansa dagiti students-athlete.
