BR LA UNION – Nagbiyahen da President Ferdinand R. Marcos Jr. ken First Lady Louise Araneta-Marcos, kadwa ti Philippine delegation, a nagturong idiay Kuala Lumpur, Malaysia para iti 47th ASEAN Summit and Related Summits, nga addaan ti tema nga “Inclusivity and Sustainability. ”
Daytoy ket kas panangawat iti imbitasyon ni Malaysian Prime Minister Dato’ Seri Anwar Ibrahim.
Iti departure statement ti Presidente, binilin na iti DPWH a kissayan ti presyo dagiti construction materials iti 50% ken iyalokar iti dadduma a serbisyo a pangsalun-at, edukasyon, ken taraon.
Imbilin na pay ti tax relief measures iti DOF ken BIR, agraman iti panangpalag-an ti tax compliance ken impaganetget na iti minimum benefits ceiling tapno maikkan ti gin-awa wenno pakalag-anan dagiti mangmangged ken negosyante.
Makipaset ti Presidente iti ASEAN leaders’ meetings tapno mapapigsa iti ASEAN Centrality ken talantanen dagiti isyu nga adda pakainaiganna iti South China Sea, Myanmar, climate change, ken economy.
Nakatuding pay nga i-welcome ti ASEAN iti Timor-Leste kas baro a miyembrobayat a ti Malaysia ket pormal nga i-hand over na ti ASEAN Chairship iti Pilipinas.
