Adda idiay Kuala Lumpur, Malaysia ni Presidente Ferdinand R. Marcos Junior tapno dummar-ay iti maika-47 nga ASEAN Summit and Related Summits.
Nakipaset isuna iti Plenary Session a naangay iti Kuala Lumpur Convention Center (KLCC) ita nga aldaw, Oktubre 26, 2025.
Tinalantan dagiti lider ti ASEAN dagiti napapateg nga isyu maipanggep iti panangpatibker ti ASEAN Community, panangilungalong ti ekonomia, ken panangpalawa iti konetibidad ti rehion.
Naipaganetget iti pagkasapulan nga papigsaen iti panagkaykaysa ken sentralisado nga ASEAN, kasta met iti panagsuporta iti maysa a rules-based multilateral order iti kangitingitan ti napartak a panagbalbaliw ti salubungan a sitwasion iti pulitika.
Maysa kadagiti tampok a paset ti plenaryo iti Handover Ceremony ti Second Protocol to Amend the ASEAN Trade in Goods Agreement (ATIGA) — maysa a free trade agreement a mangpalaka iti kalakalan iti uneg ti rehion babaen ti panangkissay wenno panangikkat dagiti taripa ken lapped iti trade.
Para iti Pilipinas, impasigurado ti Presidente iti takder ti pagilian iti maysa a “future-ready ASEAN”, ken binigbig iti responsibilidad nga idauluan iti umuna a gundaway iti panangipatungpal dagiti estratehiko a plano para iti ASEAN 2045.###
