BR LA UNION – Arestado iti Top 2 Most Wanted Person ti ili a Rosario, La Union kalpasan iti insayangkat a law enforcement operation dagiti otoridad idiay Barangay Poblacion, Binalonan, Pangasinan idi Oktubre 22, 2025.
Babaen iti nagtipon a puwersa dagiti otoridad, inarestar da iti suspek a lalaki, 28-anyos, babaen iti bileg ti warrant of arrest nga impaulog ti Regional Trial Court Branch 32, First Judicial Region idiay Agoo, La Union a napetsaan ti Agosto 29, 2025 gaputi panaglabsing iti R.A.10883 wenno New Anti-Carnapping Law.
Nangipaulog pay ti korte iti P300-k a piyansa ti suspek para iti temporaryo a pannakawaya-waya na.
Naiturong ti suspek idiay Urdaneta District Hospital idiay Urdaneta, Pangasinan para iti medical examination kalpasan na ket naipasidong iti Binalonan Municipal Police Station para iti umno a disposisyon.
