#Special weather outlook from PAGASA_DOST
BR LA UNION – Tallo a weather systems iti agraira ken mangapektar ti panawen ditoy pagilian inton UNDAS – Northeast Monsoon, Intertropical Convergence Zone (ITCZ), ken Low Pressure Area (LPA).
Manipud Huwebes agingga Biyernes (October 30-31), ti northeast monsoon wenno hanging amihan ket mangigubway ti nakuyem a panawen ken panagtudtudo idiay Batanes ken Babuyan Islands bayat nga agapaman a naulep iti tangatang ken mapatto-pattok a panagarbis ti mapasaran idiay Apayao, Abra ken Ilocos Norte.
Maysa a Low Pressure Area iti posible a mabukel iti kabaybayan idiay daya ti Visayas kakuyog na ti ITCZ.
Dagiti dua a weather systems ket mangigubway ti nakuyem a panawen, mawaras-waras a panagtudo ken panaggarru-od idiay Visayas, Mindanao, Metro Manila, CALABARZON, MIMAROPA, Central Luzon, the rest of Cagayan Valley, La Union, ken Pangasinan.
Iti nabatbati a paset ti Luzon ket maaddaan ti apagapaman a naulep a tangatang, mapatto-pattok a panagarbis wenno panaggarru-od.
Inton Sabado (November 1), ti LPA ken ITCZ ket agtultuloy a mangigubway ti nakuyem a panawen, mawaras-waras a panagtudo ken panaggarru-od idiay Visayas, Metro Manila, CALABARZON, MIMAROPA, Bicol Region, Aurora, ken Zamboanga Peninsula.
Cagayan Valley – nakuyem a panawen ken makapadas ti panagtudo
Ilocos Region and Cordillera Administrative Region(CAR) – apagapaman a naulep a tangatang ken mapatto-pattok a panagarbis
Nabatbati a paset ti pagilian – apagapaman a naulep a tangatang, ken posibilidad ti localized rainshowers wenno thunderstorms.
Inton Domingo (November 2), makapadas ti naulep a panawen, mawaras-waras a panagtudo ken mapatto-pattok a panaggarru-od iti MIMAROPA, CALABARZON, Bicol Region, ken Western Visayas gaputi panagraira ti LPA ken ITCZ.
Ti northeast monsoon ket mangipaay ti nakuyem a panawen a mabuyogan ti panagtudtudo idiay Cagayan Valley, Cordillera Administrative Region (CAR), ken Aurora bayat nga apagapaman a naulep iti tangatang a mabuyogan ti mapatto-pattok a panagarbis iti manamnama a mapasaran iti Ilocos Region.
Ti nabatbati a paset ti pagilian ket namnamaen a nalulem iti panawen, panagtudo wenno panaggarru-od iti malem wenno rabii.
