Maysa iti natay ken dua iti nadundunor iti napasamak nga aksidente iti kawatiwatan ti Pennsylvania Avenue, Barangay Madayegdeg, City of San Fernando, La Union agarop alas-dose ti tengnga rabii, ita nga aldaw, Nobiembre 12, 2025.
Nabigbig iti driver ti Black Honda TMX nga addaan ti plate number 751AOJ a managan Brenus, agtawen ti 28, maysa a service crew, awanan asawa, residente ti Barangay Sagayad, City of San Fernando, La Union, ken addaan ti professional driver’s license; bayat nga iti maikadua a behikulo a Kawasaki fury nga addaan ti plate number a CC80344 ket minaneho ti managan Stephen, 24-anyos, awanan asawa, maysa a construction worker, addaan ti non-professional driver’s license, ken residente ti No.34 Ilang-ilang street, Barangay Poro, City of San Fernando, La Union.
Sakay ti maikadua a behikulo iti managan Michael, adda iti umno nga edad, awanan asawa, maysa a construction worker, ken residente ti Riverside Banks, Barangay Poro, City of San Fernando, La Union.
Maibasar iti inisial nga imbestigasion ti San Fernando Police Station, agdaldalyasat ti Honda TMX agpadaya idi aksidente a nadungpar na iti Kawasaki fury idi kellaat a sinerrek na iti eastbound lane tapno agsikko iti makinkanigid a direksion.
Kas resulta, agpada a nadangran dagiti dua a driver ken ti back rider. Dagos da a naiturong iti Ilocos Training and Regional Medical Center (ITRMC) para medikal a panakataming babaen kadagiti nagresponde nga ambulansya.
Nupay kasta, naideklara a pimmusay iti back rider ti Kawasaki fury babaen ti attending physician a ni Dr. John Mendrano.
Agpada met a naglak-am ti panakadadael dagiti dua a behikulo ken saan pay masinunuo iti gatad ti panakatarimaan wenno panakasukat na.
Agparparang pay iti inisial nga imbestigasion nga iti rason ti nasao nga aksidente ket human error partikular ti reckless driving.###
