Impaganetget ni Presidente Ferdinand Marcos Jr. nga awan ti konkreto nga ebidensia a mangitudo kenni sigud nga House speaker Martin Romualdez a karaman kadagiti flood control anomalies.
Saan a karaman ti sigud nga House Speaker kadagiti 37 a manmanday-linteg a mapilaan ti kaso a kriminal ken administratibo gapo ti panakairaman da iti maanomalya a flood control projects.
Kenuna ti presidente a saan da a basta-basta mangipila ti kaso ken iti addang ket mangaramid ti case buildup tapno mapagsungbat dagiti karaman, ngem no adda met ti rumuar iti imbestigasion a konkreto a mangkonektar kenni Romualdez ket agsungbat met isuna.
Pinaregta na pay dagiti umili a Pilipino nga ikkan isuda ti konkreto nga ebidensya a mausar tapno kasuan ti uray asino.
Impanamnama na nga awan ti immune wenno exempted iti imbestigasion. #
