BR LA UNION – Binuweltaan ni House Majority Leader Sandro Marcos ti ikit na a ni Senadora Imee Marcos, kalpasan nga inulit na manen iti maipagarop nga awan basaran nga akusasyon kontra kenni Presidente Ferdinand “Bongbong” Marcos Jr., First Lady Liza Araneta-Marcos, ken ti umuna a gundaway kontra kenkuana.
Impaganetget ni Sandro, “saan a kababalin daytoy ti pudno a kabsat” ken inawagan na a “web of lies” dagiti waragawag ti senadora nga addaan ti panggep a ririboken ti administrasyon tapno maipursige ti bukod na nga ambisyon iti pulitika.
Segun iti Majority Leader, nasakit a makita nu kasatnu a “bimmaba” ti level ti auntie (ikit) na ket kinondenar na iti maipagarop nga iresponsableng paratang na nagdudulot lang ng destabilisasyon.
Kinuna pay ni Sandro, nabayagen nga ires-respeto na ti senadora gaputi papel na iti umuna a tawen na iti serbisyo publiko, isunga daytoy ti umuna ken maudi a daras nga agsarita maipapan iti isyu.
Kinuna na pay, dagiti kasinsinna nga isuda Borgy, Ilocos Norte Vice Gov. Matthew Marcos Manotoc, ken Atty. Michael Marcos Keon iti makapaneknek nga awan kinapudno na dagiti insinwasyon kontra kenkuana.
Impaganetget ti mammanday linteg a nasakit iti matraydor ti bukod a pamilya, nangruna ket napagnunumwan da a saan dan nga ipalubos a mairaman ti sumaruno nga henerasyon ti susik dagiti nagannak da.
Nagpanawagan ni Sandro Marcos iti publiko nga agtalinaed iti kinapudno ken saan nga agpa-apektar kadagiti istorya a nadisensyo a mangriribok iti gobyerno.
Impaganetget ti house leader a panawenen tapno agtitinnulong, a saan ketdi nga agisaknap ti riribok ken destabilisasyon.
