Imbatad ni Palestinian Foreign Minister Varsen Aghabekian Shahin iti napalabas a panangpatibker ti UN Security Council iti maysa a resolusyon a mang-endorso iti plano ni President Donald Trump para iti kinikapia idiay Gaza ket maysa nga importante nga addang a mangitandudo ti kinakappia.
Iti resolusyon a naipasa idi Lunes ket maysa a pammalubos iti multinational security force para iti Gaza ken mangituktukon iti Board of Peace.
Impaganetget ni Shahin nga uray iti ceasefire ket maysa nga addang, dagiti kanayunan nga isyu kas iti Palestinian self-determination ken maudi a wayawaya ket kasapulan a masolusyonan iti uneg ti balangkas ti international law.
Impeksa met ti Palestinian Authority (PA) a nakabase idiay Ramallah iti panakipaset da iti plano ni Trump.
Nupay kasta, dagiti estado ti Europa ken Arabia ket nangipeksa ti pagkasapulan para iti panangimaton ti PA idiay Gaza ken maysa a nalawag a dalan nga agturong iti panagwaywayas ti Palestenian – maysa a konsepto a nainget nga kinontra ti gobierno ti Israel.
Naipatungpal manipud Oktubre 10 iti maysa a ceasefire iti nagbaetan ti Israel ken Hamas babaen ti umuna a paset ti plano ni Trump, nupay naipadamag a naglabsing dagiti dua a dasig.
Rinuk-atan ti Hamas dagiti hostage ngem iggem da pay laeng iti bangkay dagiti tallo a natay.
Kabayatanna, naibilang kas narukop iti resolusion ken ti agtultuloy a ceasefire a manglaplapped iti pananggun-od ti maysa a komprehensibo ken panangpatalianed ti kinakappia iti rehion.
