BR LA UNION – Inwaragawag ni sigud nga Ilocos Sur Governor ken negosyante a ni Chavit Singson a saanna pay a kinedkedan iti plano a gatangen iti Miss Universe Organization.
Kinapudno na, nakatuding a makitaripnong iti organisasyon iti sumaganad a bulan tapno talantanen ken pagsaritaan dagiti posible a termino ti panaggatang.
Dinakamat ni Singson a ti napalabas nga isyu ti Miss Universe idiay Thailand ken Mexico ti maysa kadagiti makagapo nu apay a kayatna ti makibiang.
Saan a daytoy ti umuna a gundaway a na-link iti beauty franchise agsipudta immuna a naidiaya kenkuana a gatangen ti organisasyon idi 2023 ngem nagkedked idi.
Maipalagip a ti anak na a babai a ni Richelle Singson, ti nagserbi a chairperson iti Miss Universe Host Committee a nang-organisa ti Miss Universe 2016 a naisayangkat ditoy Pilipinas.
