BR LA UNION – Ibilang ti Estados Unidos a nagbalin a nabunga ti naaramid a dua nga aldaw a pannakitaripnong iti Ukraine tapno ilungalong ti ceasefire deal.
Naisayangkat ti panagtataripnong idiay Germany, nga indaulwan ni Ukrainian President Volodymyr Zelensky kadwa na ti chief negotiator a ni Rustem Umerov bayat nga iti biang ti US ket imbagi ni Steve Witkof, special envoy ni US President Donald Trump ken Jared Kushner, a manugang ti US President.
Karaman pay a dimmar-ay ni German Chancellor Friedrich Merz tapno plantsaen ti plano.
Segun kenni Zelensky, nupay saan a perpekto iti plano ngem kumpiyansa a masimpa da daytoy.
Innayon na a tarigagay ti US a maaddaan ti napartak a pananggibus ti giyera iti Russia ngem tarigagay da ti de kalidad a ceasefire.
Karaman iti baro a katulagan iti panangpondo ti post-war recovery ti Ukraine ken panangsiguro ti seguridad.
