Pinaglibakan ti Malacañang iti alegasyon ken panangiladawan nga iti Pilipinas ket maysa nga “ISIS training hub.”
Segun kenni Palace Press Officer Claire Castro, nakikoordinar dagiti ahensia ti gobierno kadagiti international partners tapnu beripikaen iti impormasion maipanggep kadagiti suspek a nagpaltog idiay Sydney idi Disiembre 14, ngem awan ti napaneknekan nga isuda ket nag-training ditoy pagilian gapu ta dagiti ISIS-linked group ditoy ket limitado ti kapasidad-da.
Inreport ti media nga iti suspek nga isuda Sajid Akram, 50-anyos, ken iti anak na a ni Naveed Akram, 24-anyos, ket naaddaan ti “military-style training” ditoy Pilipinas sakbay iti insidente.
Kenuna ti Bureau of Immigration nga dagiti suspek ket nagian ditoy pagilian manipud Nobiembre 1 agingga 28 ken awan iti ebidensya a mangpaneknek iti akusasion.
Segun met ti AFP, dagiti suspek ket simrek dituy pagilian kas turista ken awan ti report maipapan kadagiti foreign terrorists a mangisaysayangkat ti panagsanay wenno dadduma pay nga aktibidad ditoy pagilian.
Inlawlawag ni Castro nga iti kinaranggas idiay Mindanao ket gapo dagiti lokal a susik ken saan nga dagiti ISIS-affiliated group.#
