Inarestaren ti National Bureau of Investigation (NBI) iti contractor a ni Sarah Discaya gapu iti kaso a korapsion ken malversation of funds manipud ti P96.5-milyon flood control project idiay Davao Occidental.
Naalaan isuna ti fingerprints ken dimmalan ti medical examination kalpasan nga iserbi ti NBI iti warrant of arrest.
Maiyakar ni Discaya iti NBI Jail facility idiay Muntinlupa City.
Maipalagip nga immunan a nagboluntaryo ni Discaya nga agturong iti NBI gapu ti manamnama a panangiruar ti warrant of arrest idi napalabas a lawas, ngem pimmanaw met laeng daitoy idi Mierkules ken idi kalman, aldaw Huwebes ket nairuaren ti warrant kontra kenkuana.
Inpila ti Office of the Ombudsman iti kaso idiay Digos Regional Trial Court ken naiyakar iti Lapu-Lapu Regional Trial Court.
