Nangidanon ti simpatia ken kararag iti Department of Public Works and Highways (DPWH) iti pamilia a naulila ni sigud nga Undersecretary Maria Catalina Cabral.
Nakalanad iti waragawag ti ahensia nga iti 40 a tawen a panagtalinaed ti sigud nga opisial ken iti pannakatayna ket sigurado a pakaladingitan ti intero nga organisasion.
Inallukoy met ti ahensia iti tunggal maysa a respetuen iti privacy ti pamilia a naulila ni Cabral, kagiddan ti agtultuloy a panagladingitda iti kellaat a pannakatay ti sigud nga opisial.
Idi kalman, agturong ni Cabral ditoy probinsya ti La Union ngem sakbay pay a makasangpet ket nagpaibati isuna idiay Benguet.
Nasarakan iti bangkay na iti maysa a derraas a mapatta-patta nga addaan ti kauneg a 30 a metro.
Immunan nga inrekomenda ti Independent Commission for Infrastructure (ICI) a makasuan ni Cabral gapu ti maipagarop nga ammona iti nalawa a korapsion a bumalbalkot iti flood control ken dadduma pay a public infrastructure project ti bansa.#
