BR LA UNION – Nakatuding a mangipatungpal ti panagkissay ti presyo dagiti produkto a petrolyo dagiti kumpanya ti langis iti sumaruno a lawas.
Maibasar iti uppat nga aldaw a monitoring ti Department of Energy (DOE), namnamaen a bumaba iti P1.20 kada litro ti gasolina.
Kabayatanna, ti diesel ket namnamaen nga agkissay ti agingga P1.70 kada litro, bayat a ti kerosene ket namnamaen a bumaba ti agingga P1.75 kada litro.
Maysa kadagiti makit-kita a rason ti DOE nu apay a bumaba ti presyo ti lana ket gaputi pannaka-urnos ti susik iti baetan ti Russia ken Ukraine.
Inton Lunes a maamwan ti eksakto a balor ti rollback, a maipatungpal inton Martes, Disyembre 23.
