Innallukoy ni Senador Jinggoy Estrada iti publiko nga ikkan ti naan-anay a panawen ken espasio iti nabati a pamilia ni sigud a Department of Public Works and Highways (DPWH) Undersecretary Maria Catalina Cabral tapno makapagladingit iti ipupusay na.
Ni Cabral ket nasarakan nga awanan biag idiay Bued River, asideg iti Kennon Road, idi Huwebes ti rabii.
Segun kenni Estrada, iti laksid kadagiti isyu a nakairamanan ni Cabral mainaig iti maipagarup nga anomalya kadagiti flood control projects, saan kuma a lipatan nga adda ti biag a napukaw.
Kenunana a karbengan laeng nga irespeto ken awaten iti pamilia ni Cabral iti panawen ti panagladingit ken ikkan isuda ti kinakapia bayat a sangsangwen ti ipapatay ti ay-ayatenda iti biag.
Kabayatanna, nagwaragawag met ti pannakapaay dagiti sumagmamano a senador kadagiti impormasion a mabalin pay kuma nga ibinglay ni Cabral a makatulong iti agtultuloy nga imbestigasion dagiti maanomalya a proyekto ti DPWH.
