Natay iti maysa a 28-anyos a lalaki kalpasan a napatay ti pulis a nagresponde bayat ti panang-hostagena iti maysa nga 6-anyos nga ubing a babai idiay Barangay Sabala Manao Proper, Marawi City idi Dominggo, Disyembre 21, 2025.
Segun ti Police Regional Office-Bangsamoro Autonomous Region (PRO-BAR), sinerrek ti suspek a mapapati nga adda iti impluwensia ti ilegal a droga iti pagtaengan ti biktima ken pwinersa nga alaen iti ubing ken tinutukan na ti kutsilyo.
Dagus a nagresponde ni Police Senior Master Sergeant Sohair Solaiman nga agdama nga agjog-jogging iti lugar ken pinadas a makinegosasyon iti suspek tapno maruk-atan iti ubing, ngem nagbalin nga agresibo iti suspek idi simmangpet dagiti kanayunan a pulis manipud Marawi City Police Station ken nangrugi a dangran iti iggemna nga ubing.
Gapu iti daitoy, pinaputukan isuna dagiti otoridad ken natamaan iti kannigid a pingping ken bagi ti suspek, rason ti pannakatayna iti laksid ti pannakaiturongna iti pagagasan.
Iti ubing a babai ket nagsagrap ti pannakadundunor iti rupa ken takyag. Naiyakar daytoy idiay Amai Pakpak Medical Center para iti naan-anay a panagagas ken iti agdama ket adda isuna iti natalged a kondision.
Agtultuloy iti imbestigasion ti otoridad tapnu maamwan iti pakabigbigan ti suspek, agsipudta segun kadagiti residente ket saan da nga am-ammo daitoy.#
