BR LA UNION – Maysa ti natay ken lima dagiti nagpasar ti pannakadun-dunor kalpasan a natinnag ti nagluganan da a sports utility vehicle iti rangkis idiay Bontoc-Mainit Provincial Road sakop ti Sitio Aratey, Guina-ang, Bontoc, Mountain Province, agarop alas 8:30 ti rabii idi Domingo, Disyembre 28, 2025.
Mapatta-patta a 20 a metro ti kauneg ti rangkis ken natinnag ti SUV iti kapagayan.
Maibasar iti impormasyon manipud Bontoc MDRRMO, naideklara a dead on-site ti driver a ni Cherylina Geston Dalilis, 53, residente ti Bayabas, Pico, La Trinidad, Benguet, babaen kenni Municipal Health Officer Dr. Diga Kay D. Gomez gapwanan ti traumatic head injury secondary to the motor vehicular accident.
Dagiti nadundunor a pasaheros nga isuda: Eunice Geston-Andaya, Eunark Geston Andaya, Destiny Geston Dalilis, Cleijter Geston Andaya, ken Ken Shane Kewan ket naiturong ken maag-agasan idiay Bontoc General Hospital.
Addan iti natalged a kondisyon da Cleijter ken Ken Shane.
Bayat nga isuda Eunice, Eunark, ken Destiny ket nai-refer a maiyakar idiay Cordillera Hospital of the Divine Grace (CHDG) idiay Wangal, La Trinidad, Benguet, para iti naan -anay a medical intervention.
