Nagpalagip ti Philippine Psychiatric Association (PPA) kontra kadagiti statements a mangisilpo iti panagusar kadagiti antidepressants iti suicide wenno panagpakamatay nga awan ti umdas nga ebidensia ken umno a konteksto.
Segun iti grupo, daytoy a klase ti espekulasion ket mabalin a mangdadael iti panagtalek ti publiko iti evidence-based mental health care.
Impaganetget ti PPA nga iti panangipamaysa kadagiti antidepressants kas gapuanan ti suicidal thoughts nga awan ti medikal a pammaneknek, ket medically unsound ken irresponsible.
Inlawlawagda a ti depression ken suicidal behavior ket komplikado a kondision a gapuanan ti kombinasion dagiti biolohikal, sikolohikal, sosial, ken naespirituan a banag.
Ti saan nga umiso a panangirepresentar iti agas ket mabalin a mangiduron kadagiti pasiente a liklikan iti umno a panangagas.
Adda dagiti lehitimo a mekanismo ti oversight ken whistleblowing tapno masigurado nga iti ebidensya ket agtalinaed a mapagtalkan ken protektado.
Tinakderan ti asosasion nga iti transparency ken accountability ket rumbeng a maitandudo iti sidong ti linteg ken maiparbeng a proseso tapno mataginayon iti panagtalek ti publiko.###
