Inlawlawag ni Commission for Infrastructure Executive Director Atty. Brian Hosaka nga awan pay iti naaw-awat ti komision nga impormasion a marakrak daytoyen inton sumaruno a bulan.
Maisupadi daytoy iti waragawag ni Senadora Imee Marcos a nakaawat isuna ti impormasion manipud iti saanen a nainaganan a source.
Impaganetget pay ni Hosaka nga awan pay iti abiso ti Malacañang mainaig iti nasao a saritaan.
Nagbalin nga epektibo idi Disiembre 15 iti resignation ni sigud a Department of Public Works and Highways Secretary Rogelio Singson kas commissioner ti ICI.
Sinaruno daytoy iti panagikkat ni Commissioner Rossana Fajardo a nagbalin met nga epektibo idi Disiembre 31.
Iti agdama, agtaltalinaed a miembro ti komision ni Chairman Andres Reyes, kadua ti Special Investigator a ni sigud a Philippine National Police chief General Rodulfo Azurin Junior.###
