BR LA UNION – Kiniddaw ni Atty. Harry Roque iti Integrated Bar of the Philippines (IBP) babaen ti Commission on Bar Discipline, nga ibasura iti disbarment complaint nga indatag ni Atty. Melvin Matibag.
Indatag ni Matibag iti disbarment case kontra kenni Roque gaputi panangiruar na ti “polvoronic” video a mangibagbaga a ni Presidente Ferdinand Marcos Jr. ti maipagarop nga adda iti nasao a video.
Imbaga ti sigud a presidential spokesperson, a mamati a ti nasao a video ket “authentic” gaputa maipagarop nga inamiris pay daytoy dagiti Audio/Video Forensic Experts.
Impaganetget na a paset laeng daytoy iti “nawaya a panagirakurak” dagiti komento na iti bukodna a social media.
