Nagbiahen ni Presidente Ferdinand Marcos Junior agturong idiay United Arab Emirates (UAE) para iti maysa a working visit.
Segun kenni Palace Press Officer ken PCO Undersecretary Atty. Claire Castro, dinutokan ti Presidente kas caretaker committee da Executive Secretary Ralph Recto, Department of Agrarian Reform Secretary Conrado Estrella III, ken DSWD Secretary Rex Gatchalian.
Dummar-ay ti Presidente iti Abu Dhabi Sustainability Week ken agtalinaed idiay UAE aginggana inton Miyerkules, Enero 14.
Manamnama met a saksian na iti pannakaperma dagiti dua a katulagan ti Pilipinas ken UAW, karaman ti Comprehensive Economic Partnership Agreement (CEPA) ken Memorandum of Understanding on Defense Cooperation.
Maisayangkat iti working visit maibasar iti imbitasion ni UAE President Sheikh Mohamed bin Zayed Al Nahyan ken matalantan dagiti isyu ti enerhiya, danom, panagkuarta, taraun, ken aglawlaw a kadua dagiti dadduma pay a mangidadaulo ti estado.
Saan pay a maibaga ti Palasyo iti rason ti kinaawan ti media coverage iti ipapanaw ti Presidente wenno ti kadawyan a departure ceremony iti Villamor Air Base idiay Pasay City.###
