Pinaawan-bileg ti Professional Regulatory Board of Civil Engineering (PRB-CE) iti lisensia ni sigud a DPWH Bulacan District Engineer Henry Alcantara kas Civil Engineer gapu iti nakaro nga unprofessional ken unethical conduct mainaig ti maipagarup a ghost flood control projects.
Maibasar iti desision, napaneknekan nga administratively liable ni Alcantara iti panagaprobar ti panangiruar ti pondo para kagiti ghost projects, maibasar iti Special Audit Report ti DPWH.
Segun ti board, iti naisadya a panagaprobra iti panangiruar ti pondo para ti ghost project ket maysa a panaglabsing iti Code of Ethics ken panangdadael iti panagtalek ti publiko.
Naipaayan ni Alcantara ti 15 nga aldaw tapno mangipila ti motion for reconsideration, ken no mapagkedkedan ket mabalin isuna nga umapela iti Commission Proper iti las-ud ti 15 nga aldaw manipud iti pannakaawat ti resolusion.###
