Inwaragawag ni U.S. President Donald Trump a maipagarup a silulukat iti Iran a makinegosasion iti Washington kalpasan nga agpangta daytoy nga agusar ti puersa kontra ti Islamic Republic gapu ti nadara a laban kadagiti demonstrador.
Malaksid ditoy ket ngimmato iti bilang dagiti pimmusay nga addan itan ti saan a bumaba ti 544 nga indibidual.
Inaramid ni Trump iti waragawag kasaruno ti panagbisita ti foreign minister ti Oman idiay Iran — ti pagilian a nabayagen nga agserserbi kas mediator ti Washington ken Tehran.
Awan pay ti sungbat iti Iran maipapan iti nagbalin a waragawag ni Trump.
Nakasagana met iti Trump administration a makitaripnong kadagiti opisial ti Iran, ngem nagballaag a mabalin nga umuna a sumungbat iti militar ti pagilian no agtultuloy iti panagngato ti bilang ti death toll idiay Iran ken dagiti maar-arestar a demonstrador.
Sumagmamano kadagiti naipadamag a posible nga aramiden ti America ket ti cyberattacks ken air strikes a mabalin nga aramiden met ti Israel.
Nakasagana iti Estados Unidos iti posible a sungbat ti Iras no kaspangarigan a mangipapilit daytoy.
Kabayatanna, nagpanawagan dagiti pro-government demonstrations idi Lunes maipapan iti nagbalin a pangta ti Estados Unidos ken insawang iti “Death to America!” ken “Death to Israel!” tapno ipakita iti suportada kenni Supreme Leader Ayatollah Ali Khamenei.
Ti sabali a bangir, impadamag ti U.S.-based Human Rights Activists News Agency a nasurok 10,600 nga indibidual iti naarestar iti las-ud ti dua a dominggo a protesta.
Maipalagip a nangrugi daytoy idi Disyembre 28, 2025, kagiddan ti panagbagsak iti balor ti kuarta ti Iran ken dimmanon ti nasurok 1.4 million riyal ti tunggal maysa dolyar.###
