Inreklamo ni Presidential Communications Office Undersecretary Claire Castro iti National Bureau of Investigation iti maipagarup a pangta iti biag na babaen ti maysa a social media post.
Segun kenni Castro, adda ti pakainaigan na ditoy iti social media post ti Facebook page a Luminous by Trixie Cruz-Angeles ken Amet Paglinawan a mangiladladawan ti panangpasakit pisikal ken seryoso a pangta iti biagna.
Innayon na pay a napateg a mairekord iti nasao a panangipangta gapu ta posible nga adda to dakes a mapasamak kenkuana.
Personal nga am-ammona ni Cruz-Angeles ngem saan a ni Paglinawam.
Inaklon ni Castro a nakarikna isuna ti panagbuteng gapo ta saan isuna a sanay a maddaam ti pangta iti biag.
Impaganetget na iti nawaya a panangipadamag ket saan a rumbeng a malaukan ti panangipangta.
Iti agdama ket ad-adalen na iti pormal a panangipila ti kaso.###
