BR LA UNION – Mangrugin a marikna iti epekto ti umuna a bagyo ita a tawen a tropical depression Ada.
Naudi a nasaripatpatan iti kaadayu a 635 kilometro daya ti Hinatuan, Surigao del Sur.
Kabuyog ti bagyo iti kapigsa ti angin nga 45 kilometro kada oras asideg iti sentro ken kapegges ti angin nga umabot iti 55 kilometro kada oras.
Dup-dupagenna iti direksyon nga amianan-a-laud iti kapartak a 35 kilometro kada oras.
Segun iti state weather bureau, umabot agingga 500 a kilometro manipud iti sentro ti sakopen wenno maapektaran iti napigsa nga angin ti bagyo.
Nakangato ti Signal No. 1 iti sumagmamano a paset ti Visayas partikular idiay Northern Samar, Samar, ken Eastern Samar, ken idiay Mindanao kabilang iti Dinagat Islands, Surigao del Norte, ken Surigao del Sur.
Nabalakadan dagiti residente kadagiti nadakamat a lugar nga agannad iti posible a napigsa a panagtudo, panaglayos ken landslide.
