Agtultuloy iti nabuntog a gunay ti Tropical Storm Ada iti Amianan Amianan-a-Laud bayat ti kaaddana iti kabaybayan ti Pilipinas a sakupen ti makindaya a paset ti Eastern Visayas.
Segun ti Philippine Atmospheric, Geophysical and Astronomical Services Administration (PAGASA), nasaripatpatan iti sentro ti bagyo iti 370 km Daya a paset ti Surigao City, Surigao del Norte wenno 430 km Daya ti Maasin City, Southern Leyte.
Kabuyog na iti angin a dumanon ti agingga 65 km/h asideg ti sentro ken kapegges nga agingga 80 km/h.
Nabuntog a dupdupagen na iti Amianan Amianan-a-Laud a direksion.
Tropical Cyclone Wind Signal no. 1
Luzon
- Eastern portion of Camarines Norte
- Camarines Sur
- Catanduanes
- Albay
- Sorsogon
- Eastern portion of mainland Masbate including Ticao and Burias Islands
Visayas
- Northern Samar
- Samar
- Eastern Samar
- Biliran
- Northern and central portions of Leyte
- Eastern portion of Southern Leyte
Mindanao
- Dinagat Islands
- Surigao del Norte
- Surigao del Sur
Maibasar iti latest bulletin ti state weather bureau, kangrunaan a tumbuken ti bagyo iti amianan-a-laud a direksion ita nga aldaw aginggana inton bigat Enero 17, sakbay nga agturong iti amianan amianan-a-laud ken amianan-a-laud inton Dominggo, Enero 18.
Manamnama nga agtalinaed iti tropical storm category itit bagyo kabayatan iti panagduprakna iti kabaybayan a sakupen ti Daya a paset ti Visayas ken Southern Luzon, ken posible a kumapsut ken agbalin a tropical depression inton Martes.
Mabalin met nga agbaliw iti forecast track ti bagyo kadagiti sumarsaruno a bulletin kangrunaan inton bigat aginggana aldaw ti Dominggo.###
