BR LA UNION – Kinumpirma ni House Secretary General Atty. Cheloy E. Velicaria-Garafil a naipasan iti Office of the Speaker ti impeachment complaint kontra kenni kenni Presidente Ferdinand “Bongbong” R. Marcos Jr. idi Martes, a senyal iti panagrugi ti pang-uneg a proseso ti Kamara maiyannurot iti Konstitusyon.
Segun kenni Garafil, maiyannurot iti naituding a proeso, iti beripikado a reklamo ket naipatulod iti opisina ni Speaker Faustino “Bojie” G. Dy III para iti pannakataming.
Impaganetget na nga administratibo laeng iti papel ti Office of the Secretary General ken nainget a masurot ti Konstitusyon ken allagaden ti Kamara.
Inlawlawag pay ni Garafil a ti panangawat, panangi-lista, ken panangipasa ti reklamo ket umuna nga addang tapno masiguro ti kina-annayas ti due process.
Iti reklamo ket naidatag idi Enero 19, babaen kenni Atty. Andre de Jesus ken inyindorso ni House Deputy Minority Leader ken Pusong Pinoy Party-list Rep. Jett Nisay.
Daytoy ti kaunaan nga impeachment complaint kontra kenni Presidente Marcos sipud nagtugaw iti puwesto.
