Inakusaran ni Senador Imee Marcos dagiti empleado ti Malacañang kalpasan a naibaga a posible a nagsakit ni Presidente Ferdinand Marcos Jr., gapu iti kinakurang ti umno a pannakaaywan manipud kadagiti tattao nga adda iti uneg ti Palasyo.
Iti maysa a Facebook video ket imbinglay na iti kapanunotanna. Dinamag ti Senadora no sino kadagiti adda iti aglawlaw ti Presidente iti pudno a mangisaksakit kenkuana.
Innayon na pay nga iti salun-at ti Presidente ket mabalin a kumapuy gapu iti kinakurang ti umno nga atension.
Inaramid ti Senadora iti statement kalpasan nga inwaragawag ni Malacañang Press Officer Claire Castro a ni Presidente Marcos ket nakapasidong ti medical observation idi Huwebes, kalpasan a makarikna ti discomfort.
Iti videona, inallukoy ni Imee iti kabsatna nga unaen iti salun-at ken liklikan dagiti tattao iti aglawlawna, nupay saan nan a ninaganan dagitoy.
Binabalaw pay ni Imee dagiti indibidual nga inawagan na a “Feeling President.“###
