BR LA UNION – Addan iti natalged a kondisyon dagiti 40 a naisalbar kalpasan a limned iti nagluganan da a bangka idiay Lumban, Laguna idi weekend.
Maibasar iti report, limned ti nasao a bangka bayat a makipas-paset iti fluvial parade a paset ti religious festivities iti ili.
Napartak a nagresponde iti Philippine Coast Guard ken lokal a rescuers, isunga naisalbar iti amin a pasahero.
Awan ti naipadamag a natay ngem sumagmamano nga indibidwal iti nakapadas ti minor injuries ken shock.
Im-imbesigaran dagiti toridad nu adda napasamak nga overloading ken panaglabsing iti safety protocols a nakaigapwan ti insidente.
Nagpalagip ti Coast Guard kadagiti organizer a nainget a suruten dagiti allagaden tapno agbalin a natalged nu adda ti kasta nga aktibidad.
Ti tinawen a fluvial parade idiay Laguna ket maysa kadagiti pad-padaanan a tradisyon, ngem ti insidente ket nagserbi a palagip a napateg ti naannad a panagsagana ken panangsurot dagiti regulasyon.
