BR LA UNION – Ballaygi nga inuli ni American climber Alex Honnold iti skyscraper idiay Taiwan nga awan ti anyaman nga inusar na a tali, harness ken safety equipment.
Ti pasdek a Taipei 101 ket ag-ngato ti 1,667 a kadapan, naaramid ti landok, sarming ken semento.
Ni Honnold ket am-ammo kas kaunaan a tao nga immuli iti El Capitan nga awan ti inusar na a tali wenno safety gear, ag-ngato ti 3,000 feet ti granite cliff idiay Yosemite national park idiay California.
Isayangkat na koma ti panaguli idi Sabado ngem nabasa iti lugar gaputi panagtudo na, isunga intantan na ti maysa nga aldaw.
Naileppas na ti immuli, babaen ti maysa nga oras ken 31 a minuto.
Idi nakadanon iti tuktok ti pasdek ket nag-selfie pay daytoy.
Kinablaawan met isuna ni Vice-President Hsiao Bi-khim ti Taiwan .
Ti immuna a nanguli iti Taipei 101 ket ni Alain Roberts, ngem nagpaut ti uppat nga oras.
